響唔少玩家既心目中，2D遊戲既故事背景(世界觀)同場景，只不過係一塊佈景版，根本無關重要，但事實上響遊戲既製作過程入面，世界觀同場景正正係遊戲內容既包裝紙！好多野都建立響呢個框框之上！

記：《PC Game Weekly》編輯 白特約雲
濤：《夢幻古龍》遊戲監製 阿濤 (研發老大)

記：打造無聊既世界觀同場景時，你地主要想帶出咩感覺比玩家，又以咩作參考既呢？

濤：玩家打機果陣，除左人物，見到既野其實主要就係場景，所以場景帶比玩家既感覺亦都好重要。關於《夢幻古龍》場景既設定，我地係想帶比大家「唯美」同「夢幻」既感覺，令每個場景都各具特色同氣氛。雖然角色係Q版，但係場景唔可以做到太Q版感覺，如果太Q太可愛，就會無左個種唯美同浪漫既感覺，所以我地o係呢兩點都取得左平衡，呢個就係大家宜家見到既《夢幻古龍》場景。

其實一D唔起眼既細節，往往最需要花時間處理。
十二連環塢 (原畫)

 

十二連環塢 (場景)

平南皇府 (原畫)

平南皇府 (場景)

 

記：故事亦係《夢幻古龍》既主體之一，響打造場景時，你地又點將故事、任務、場景三者串連，從而帶出《古龍》原有既故事同味道？

濤：關於打造場景既工序，我地係先將所有《古龍》小說出現過既場景列晒出黎，之後再o係呢場景之中選擇一D有特式，又最能夠突出《古龍》武俠世界既地點，選擇左呢D場景之後，就開始去「度」主線故事同呢D場景既關係，將呢D場景串連埋一齊，就形成《夢幻古龍》既世界！

呢個係設定場景既連接圖，《夢幻古龍》成個世界就係咁一步一步建構出黎架！

 

記：如果將《古龍》呢個主題同《金庸》、《黃易》相比，你覺得《古龍》既魅力同賣點係咩？

濤：《古龍》、《金庸》、《黃易》，三位大師創作既武俠世界都唔同，同埋好有自己既特色。我覺得《金庸》比較偏向歷史武俠小說，佢好多作品都有設定左發生既時代背景，亦有好多主角同歷史人物之間關係既描述，《金庸》入面既武功設定亦都好嚴謹，而且每部小說都係設定發生o係同一個「世界」。

　　至於《黃易》，其實佢走既係「玄幻武俠」路線，同一般大家認識既「武俠」世界有D唔同，你可以話係加入左奇幻元素既「武俠」，當然亦有佢既獨到之處。

　　至於《古龍》，故事同人物充滿浪漫色彩，故事亦包含左好多元素，例如偵探、奇情、懸疑，佈局精湛。雖然對世界觀同時代無好清楚咁介定，但係就係因為咁，亦創造左一種《古龍》獨有既文化，人物講既對白、造型，都成就左好多經典。所以我覺得三者好難比較，總之各有特色，各有魅力。

製作後感：取捨與配合
　　其實當響某D地方要作出取捨，或者開發部成員o係某一方面有不同意見既時候，我地會點作出決定呢？其實，我地最後都會嘗試下代入一個玩家身既身份去諗返，如果我係一個玩家，會鐘意邊樣多D呢？咁樣諗，大家就會識得比較客觀去睇一件事，唔會比自己主觀既意向影響。

 

 

下期預告：
同伴‧寵物

　　寵物，係唔少玩家既良伴，但響《夢幻古龍》入邊，佢地就係玩家真正既伙伴，到底《夢幻古龍》既寵物設定有咩特色，同一般網遊有咩分別呢？！《夢幻古龍》以「以可愛網羅大俠，以情義Q霸江湖！」為主題，香港版《夢幻古龍Online》公測至今，在線人數一直不停上升，為配合更多玩家能體驗《夢幻古龍》的武俠世界，特別加開2大分流，加大伺服器人數上限！欲得知更多有關遊戲的詳情，請密切留意官方網頁啦！

官方網頁：http://qgl.gameone.com
帳號註冊：http://qgl.gameone.com/guide_2.html
下載遊戲：http://www.gameone.com/download.html#QGL
遊戲專區：http://qnl.hehagame.com